Kocha Mkuu wa Simba Sven Vandenbroeck amewapongeza vijana wake kwa kuibuka na ushindi wa mabao 2-0 dhidi ya Polisi Tanzania katika mchezo wa ligi kuu uliopigwa uwanja wa Benjamin Mkapa jioni ya leo
Sven amesema mchezo huo haukuwa mwepesi kwani wamekutana na moja ya timu zenye safu bora ya ulinzi Polisi Tanzania ikiwa imeruhusu mabao saba tu kabla ya mchezo wa leo
Sven amesema wachezaji walitekeleza kile alichowaelekeza na ndio maana wamefanikiwa kuondoka na alama zote tatu, ushindi ambao walistahili
"Nadhani kwa ujumla tulimiliki sana mpira na mwisho wa mchezo tumeshinda huu mchezo mgumu. Ukiangalia Polisi hawajafungwa magoli mengi lakini tumeweza kufunga magoli mawili na kutengeneza nafasi nyingi. Nimeridhishwa na juhudi ya kila mmoja," alisema Sven
Mabao mawili yaliyofungwa na Clatous Chama katika kipindi cha pili, yameihakikishia Simba ushindi huo muhimu
