Mwenyekiti wa klabu ya Simba, Mwina Kaduguda amesema sakata nyota wao wazamani Shiza Kichuya kufungiwa miezi sita huku wao wakipigwa faini watalitolea ufafanuzi baada ya Bodi yao kukutana.
Jana kulitoka taarifa kutoka Shirikisho la soka Duniani (FIFA) kumfungia Kichuya miezi sita huku Simba ikipigwa faini ya dola 130,000 kwa kuondoka timu ya Pharco ya Misri bila kutoa taarifa kwa uongozi na hakupewa barua ya ruhusa (Release Letter)
Kaduguda amesema Bodi yao yenye watu 17 ikikutana anaamini suala hilo halitakuwa kubwa na amewataka wanachama na wapenzi wa Simba watulie wasubiri maamuzi ya viongozi.
Kiongozi huyo ameongeza kuwa kwenye sakata hilo huenda wao wakawa hawana kosa lolote hivyo watapeleka utetezi wao na kwa uzoefu wake kila kitu kitakaa sawa.
"Hili suala tumelisikia, tunasubiri Mtendaji wetu mkuu alilete kwenye Bodi lijadiliwe na ni matumaini yetu litamalizika vizuri kwakua tuna watu imara wa kufanya hilo," amesema Kaduguda
