Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' leo alifanya mazungumzo na winga hatari wa mabingwa hao wa nchi Luis Miquissone
Miquissone kwa sasa ndio habari ya mjini kutokana na kiwango cha juu alichokionyesha katika michezo ya hivi karibuni
Mo amesema baada ya mazungumzo yao, Wanamsimbazi watarajie mambo mazuri zaidi kutoka kwake
"Nimepata wasaa wa kuzungumza na Luis Muiquissone aliponitembelea leo ofisini. Tutegemee mpira wenye ufundi na chenga nyingi zenye kutuletea shangwe," aliandika Mo kwenye ukurasa wake wa mtandao wa kijamii
Miquissone alitua Simba usajili wa dirisha dogo msimu uliopita akiwa bado na mkataba wa miaka miwili na nusu
Inaelezwa Simba imeanza mazungumzo nae ili kumpa mkataba wa muda mrefu zaidi kwani kutokana na umahiri wake ni wazi timu nyingi zitapiga hodi Msimbazi kuitaka saini yake
