Mtendaji Mkuu wa Simba Barbara Gonzalez amewataka mashabiki wa Simba kuhakikisha leo wanajitokeza kwa wingi katika mchezo wa ligi ya mabingwa dhidi ya Plateau United
Mchezo huo wa marudiano utapigwa saa 11 jioni katika uwanja wa Benjamin Mkapa
Barbara ambaye jana alifika uwanja wa Mo Simba Arena kushuhudia maandalizi ya mwisho, amesema Simba inajivunia kuwa na wachezaji wenye uwezo mkubwa ndani ya uwanja hivyo ana imani leo hawatawaangusha mashabiki Wanamsimbazi watakaokwenda uwanjani kuwaunga mkono
"Faida yetu kwenye Ligi ya Mabingwa tuna wachezaji wenye uwezo mkubwa. Twendeni uwanjani kwa wingi tukawatie moyo timu yetu. Dhamana waliyonayo wachezaji wetu ni kubwa sana na hasa siku ya leo wanapokwenda kupambana na timu ya Plateau United," aliandika Barbara kwenye ukurasa wa mtandao wake wa kijamii
Jana Barbara alionekana kuwapa hamasa wachezaji waliokuwa wakikamilisha maandalizi uwanja wa Mo Simba Arena pale Bunju
Jioni ya leo wana kazi moja tu, kuipeleka Simba raundi ya kwanza ya michuano ya ligi ya mabingwa, wakiwa tayari wana faida ya ushindi wa bao 1-0 waliopata kule Nigeria
