Plateau United wawasili

Timu ya Plateau United kutoka nchini Nigeria imewasili leo kuelekea mchezo wa marudiano ligi ya mabingwa hatua ya awali dhidi ya wababe wa soka nchini, klabu ya Simba ambao utapigwa kesho Jumamosi uwanja wa Benjamin Mkapa

Mabingwa hao wa Nigeria wana mlima mrefu wa kupanda mbele ya Simba ambayo tayari iko mbele kwa bao 1-0 kufuatia ushindi waliopata kwenye mchezo wa kwanza uliopigwa Nigeria wiki iliyopita

Leo jioni watapewa nafasi ya kufanya mazoezi katika uwanja wa Mkapa ambao utatumika siku ya kesho, mchezo ukitarajiwa kuanza saa 11 jioni

Karibuni bongo, lakini mtatusamehe kesho hamtoki pale kwa Mkapa...!