Mtangazaji mahiri wa kabumbu nchini Baraka Mpenja ndiye atakayesimamia 'shoo' ya keshokutwa Jumamosi pale uwanja wa Benjamin Mkapa wakati mabingwa wa nchi Simba wakipepetana na Plateau United katika mchezo wa marudiano hatua ya awali ya michuano ya ligi ya mabingwa barani Afrika
Simba itaingia katika mchezo huo ikiwa tayari na mtaji wa bao moja, ushindi muhimu walioupata nchini Nigeria siku chache zilizopita
Mpenja ametangaza mechi nyingi kubwa za Simba na mara nyingi Mnyama ameunguruma katika mechi hizo
Mechi ambayo Wanamsimbazi wataendelea kuikumbuka kwa miaka mingi ni ile dhidi ya Nkana Fc ambayo Simba ilifunga bao lililowapeleka makundi dakika za usiiku kupitia kwa Clatous Chama 'Mwamba wa Lusaka', Mpenja akisherehesha ushindi huo wa kihistoria
Pengine Jumamosi ataongeza historia nyingine pale Simba watakapokuwa wakisaka ushindi utakaowapeleka raundi ya kwanza ya michuano hiyo msimu huu
