Pamoja na kuwapongeza wachezaji wa Simba kwa kupambana na kufanikiwa kuwapa furaha Wanamsimbazi na Watanzania kwa ushindi wa bao 1-0 ugenini dhidi ya Plateau United nchini Nigeria, Mtendaji Mkuu wa Simba Barbara Gonzalez amehoji vigezo vilivyotumiwa na Shirikisho la soka barani Afrika (CAF) kuidhinisha uwanja wa New Jos kutumiwa katika michuano ya ligi ya mabingwa
"Nawapongeza wachezaji wamepambana katika mazingira magumu. Tumepata ushindi muhimu ambao tunakwenda kuulinda mchezo wa marudiano Dar es salaam kuhakikisha tunasonga mbele hatua inayofuata."
"Ningeliomba Shirikisho la Soka Afrika (CAF) kupitia upya vigezo vilivyotumika kuruhusu mchezo wetu kuchezwa kwenye dimba la New Jos ilihali uwanja huo haujakidhi viwango vinavyohitajika," alisema Barbara
Bao la Clatous Chama limeihakikishia Simba ushindi muhimu ambao utawaongezea morali kuhakikisha wanamaliza kazi kwenye wa marudiano ambao utapigwa jijini Dar es salaam Jumamosi, Disemba 05
Simba tayari imeondoka nchini Nigeria ikitarajiwa kuwasili nchini kesho Jumanne majira ya saa kumi Alasiri
Watatua uwanja wa Ndege wa KIA kisha kuunganisha moja kwa moja jijini Dar es salaam
