Kikosi cha Simba kinatarajiwa kuondoka jijini Dar es salaam kuelekea mkoani Arusha ambako keshokutwa Jumamosi watashuka kwenye uwanja wa Sheikh Amri Abeid kuikabili Coastal Union katika mchezo wa ligi kuu ya Vodacom
Coastal Union wamechagua kutumia uwanja wa Sheikh Amri Abeid baada ya uwanja wa Mkwakwani kufungiwa na Bodi ya Ligi mpaka pale utakapofanyiwa marekebisho katika eneo lake la kuchezea
Baada ya mikikimikiki ya mechi za kuwania kufuzu fainali za Afcon 2021, Simba inatarajiwa kutinga mkoani Arusha ikiwa na kikosi chake kamili
Baadhi ya nyota waliokuwa na majukumu ya timu ya Taifa tayari wameingia kambini huku wengine wakitarajiwa kuwasili leo
Baada ya mchezo dhidi ya Coastal Union Jumamosi, Simba itakuwa na takribani siku saba za kujiandaa na mchezo wa ligi ya mabingwa dhidi ya Ptateau United ambao utapigwa nchini Nigeria wiki ijayo
