Simba iko kwenye mchakato wa kusajili kiungo mkabaji ambaye atachukua nafasi ya Gerson Fraga aliyefikia makubaliano ya kuvunja mkataba wake baada ya kupata majeraha ambayo yatamuweka nje kwa muda mrefu
Hesabu za Simba ni kuhakikisha inampata kiungo mkabaji mwenye uwezo mkubwa ambaye ataongeza utulivu katika nafasi hiyo ambayo kwa sasa anategemewa zaidi Jonas Mkude
Jina la kiraka Anthony Akumu limetajwa kuingia katika rada za mabingwa hao wa nchi
Akumu aliitumikia Zesco United msimu uliopita, alijiunga na Kaizer Chiefs mapema msimu huu
Nyota huyo wa zamani wa Gor Mahia yuko tayari kuondoka Kaizer Chiefs kama Simba itaweza kumalizana na wababe hao wa soka kule Bondeni
Aidha uwepo wa Wakenya Joash Onyango na Francis Kahata katika klabu ya Simba, utamuongezea ushawishi kuja nchini
Alijiunga na Kaizer Chiefs kwa mkataba wa miaka miwili, Chiefs wanaweza kumuuza kama watapata ofa nono
