Mkuu wa Idara ya Habari na Mawasiliano klabu ya Simba Haji Manara amewataka Watanzani kujitokeza kwa wingi kuiunga mkono timu ya Taifa hapo kesho itakapochuana na Tunisia katika mchezo wa kuwania tiketi ya kufuzu fainali za Afcona 2021
Manara ambaye ni MJumbe wa kamati ya Hamasa ya Stars, amesema kuiunga mkono Stars hakuna mjadala kwani ni suala la Utaifa
Amesema mashabiki wa Simba na Yanga nje ya vilabu vyao hawana timu nyingine ya Taifa isipokuwa Tanzania
"Kitu cha kwanza cha kuzingatia ni utaifa, sisi ni Watanzania, Simba na Yanga zile sio nchi ni klabu"
"Hauwezi kwenda nje ya Tanzania ukaulizwa unatoka wapi ukajibu Yanga au Simba lazima uitaje Tanzania hivyo kwa pamoja kesho tuvae jezi za Stars tuingie uwanjani kuwashangilia vijana wetu," amesema
Stars itashuka uwanjani kesho Jumanne, saa nne usiku kuikabili Tunisia katika mchezo ambao matokeo ya ushindi ndio yanayohitajika zaidi
