Timu ya Taifa ya Tanzania leo itakuwa na shughuli pevu pale uwanja wa Olympique De Redes nchini Tunisia katika mchezo wa kuwania kufuzu michuano ya Afcon 2021, wakiumana na wenyeji wao Tunisia
Baada ya kupoteza mchezo uliopita kwa kufungwa mabao 2-1 na Libya, huu ni mchezo ambao Tanzania haipaswi kupoteza ili kujiweka katika nafasi nzuri ya kufuzu kundi J
Libya imefungwa na Guinnea ya Ikweta juzi, hivyo ushindi au sare kwa Stars itawarejesha kwenye nafasi ya pili
Tunisia ndio vinara wa kundi J wakiwa wamejikusanyia alama sita baada ya kushinda michezo yao yote miwili
Stars itaingia uwanjani leo ikimkosa nahodha wake Mbwana Samatta ambaye amepata majeraha akiwa na klabu yake ya Fernabahce
Samatta pia atakosekana kwenye mchezo wa marudiano utakaopigwa jijini Dar es salaam Novemba 17
Kila la kheri Tanzania..
