Mkuu wa kitengo cha Habari na Mawasiliano klabu ya Simba Haji Manara, amewataka mashabiki wa timu hiyo wapuuze propaganda zinazoendeshwa na Yanga kwenye mitandao ya kijamii kuhusu mchezaji wao Clatous Chama
Manara amesema Chama ni mchezaji halali wa klabu ya Simba na Yanga hawana ubavu wa kumsajili. Na kuwa, ni juzi tu amemalizana na uongozi wa Simba kabla hajasafiri kuelekea kwao Zambia kutimiza majukumu ya timu ya Taifa
Aidha Manara amesema Yanga bado wanateseka na winga Bernard Morrison, amewaambia wajiandae na pigo jingine Disemba 15 pale dirisha dogo la usajili litakapofunguliwa
"Simba huwa haifanyi Propaganda katika mambo ya usajili,,inafanya kweli. Kile kilio cha Morrison kilikuwa cha mtoto, shughuli ipo December 15 dirisha dogo litakapofunguliwa na hapo ndio tutajua propaganda ni ipi na ukweli ni upi"
"Ila bomu tutakaloshusha,hawatakimbilia FIFA, wataenda hadi UNICEF, "alitamba Manara
Inaelezwa bosi Mo anaweza kutinga AS Vita kule DR Congo kuwan'goa Tuisila Kisinda na Mukoko Tonombe ambao imebainika wanacheza kwa mkopo Yanga
