Sven atahadharisha mechi ya Plateau United

Kocha Mkuu wa Simba Sven Vandenbroeck amesema wanahitaji kufanya maandalizi kabambe ili kuhakikisha wanafanya vizuri katika mchezo wa hatua ya awali dhidi ya Plateau United ya Nigeria

Sven amesema Plateau United sio timu ya kubeza, wana wachezaji wazuri lakini muhimu zaidi kwao ni kuhakikisha wanapata matokeo katika mechi zote mbili ili kufuzu raundi ya kwanza

"Tunahitaji kujiandaa kwa makini, michuano ya ligi ya mabingwa sio rahisi. Plateau United sio timu nyepesi, wana washambuliaji wenye kasi na mabeki imara hivyo tunapaswa kujiandaa vyema ili kuhakikisha tunaweza kushinda na kutinga raundi ya kwanza, " alisema Sven

Kikosi cha Simba kimeanza mazoezi jana kujiandaa na mechi mbili za ligi kabla ya safari ya Nigeria mwishoni mwa mwezi huu