Shirikisho la soka barani Afrika (CAF) limeongeza ukomo wa idadi ya wachezaji wanaoweza kusajiliwa na vilabu vinavyoshiriki michuano ya ligi ya mabingwa na kombe la Shirikisho kutoka 30 mpaka 40
Changamoto ya ugonjwa wa corona inatajwa kuwa sababu ya kuongezwa kwa idadi hiyo
Baadhi ya timu zilizoshiriki ligi ya mabingwa na kombe la Shirikisho msimu unaomalizika, zilikumbana na changamoto ya baadhi ya wachezaji wake kuzuiwa baada ya kubainika kuwa na maambukizi ya virusi vya COVID-19
Mfano ni klabu ya Horoya Ac ambayo ilicheza mchezo wa nusu fainali dhidi ya Pyramids Fc ya Misri kikosi chake kikiwa na wachezaji 14 tu baada ya wachezaji wengine kukumbwa na corona
Simba imesajili wachezaji 25 katika awamu ya kwanza ya usajili wa CAF ambao ulifungwa Novemba 06
Itakuwa na nafasi ya kuongeza wachezaji wengine hadi 15 kwenye awamu ya pili na ya tatu ambayo ni baada ya hatua ya mtoano kumalizika
