Benchi la Ufundi pamoja na wachezaji wa timu ya Simba wameahidi kuhamishia makali ya Ligi Kuu Tanzania Bara watakapoikaribisha Gendarmarie kutoka Djibouti katika mechi ya mashindano ya Kombe la Shirikisho Afrika itakayofanyika kesho kwenye Uwanja Taifa jijini Dar es Salaam.
Kocha Msaidizi wa Simba, Masoud Djuma, amesema kuwa kila siku wanaiandaa timu yao kusaka matokeo mazuri na anaamini ushindi mfululizo walioupata kwenye ligi utawaongezea ari ya kupambana wachezaji wao.
Djuma alisema kila mchezaji aliyeko katika kikosi cha Simba anafahamu malengo ya timu hiyo ambayo ilikuwa nje ya mashindano ya kimataifa kwa muda mrefu.
Kocha huyo raia wa Burundi alisema kuwa katika programu za mazoezi wameiandaa timu hiyo kucheza mifumo tofauti na hii ni kwa lengo la kuwazidi mbinu wapinzani wao endapo mfumo wa kwanza utashindwa kuwapatia mabao.
"Ni mechi ngumu kama zile za ligi, tunataka kuhakikisha tunapambana na kumaliza kazi hapa nyumbani kabla ya kuwafuata kwao, tumepata nafasi ya kuona video zake na kujua maeneo ambayo wanayategemea kuendesha timu," alisema kocha huyo wa zamani wa Rayon Sports ya Rwanda.
Naye mshambuliaji tegemeo na aliye katika kiwango cha juu nchini Mganda, Emmanuel Okwi, alisema kila mechi kwao ni sawa na fainali na siku zote hawadharau timu pinzani.
"Kila siku huwa nawaza kuisaidia timu yangu iweze kupata ushindi katika kila mechi, tunahamishia nguvu zile zile kwenye mashindano ya kimataifa kwa sababu tunataka mafanikio pia msimu huu," alisema mshambuliaji huyo raia wa Uganda.
Aliongeza kuwa anawapongeza mashabiki wa Simba kwa kushirikiana nao kwa karibu kuanzia mwanzo wa msimu na kuwaahidi wataendelea kupambana hadi mechi ya mwisho.
Baada ya mchezo huo wa kesho, Simba ambao wanaongoza kwenye msimamo wa Ligi Kuu watasafiri kuelekea Shinyanga kuwafuata Mwadui FC katika mchezo wa utakaofanyika Alhamisi kwenye Uwanja wa Kambarage mkoani Shinyanga.
Kocha Msaidizi wa Simba, Masoud Djuma, amesema kuwa kila siku wanaiandaa timu yao kusaka matokeo mazuri na anaamini ushindi mfululizo walioupata kwenye ligi utawaongezea ari ya kupambana wachezaji wao.
Djuma alisema kila mchezaji aliyeko katika kikosi cha Simba anafahamu malengo ya timu hiyo ambayo ilikuwa nje ya mashindano ya kimataifa kwa muda mrefu.
Kocha huyo raia wa Burundi alisema kuwa katika programu za mazoezi wameiandaa timu hiyo kucheza mifumo tofauti na hii ni kwa lengo la kuwazidi mbinu wapinzani wao endapo mfumo wa kwanza utashindwa kuwapatia mabao.
"Ni mechi ngumu kama zile za ligi, tunataka kuhakikisha tunapambana na kumaliza kazi hapa nyumbani kabla ya kuwafuata kwao, tumepata nafasi ya kuona video zake na kujua maeneo ambayo wanayategemea kuendesha timu," alisema kocha huyo wa zamani wa Rayon Sports ya Rwanda.
Naye mshambuliaji tegemeo na aliye katika kiwango cha juu nchini Mganda, Emmanuel Okwi, alisema kila mechi kwao ni sawa na fainali na siku zote hawadharau timu pinzani.
"Kila siku huwa nawaza kuisaidia timu yangu iweze kupata ushindi katika kila mechi, tunahamishia nguvu zile zile kwenye mashindano ya kimataifa kwa sababu tunataka mafanikio pia msimu huu," alisema mshambuliaji huyo raia wa Uganda.
Aliongeza kuwa anawapongeza mashabiki wa Simba kwa kushirikiana nao kwa karibu kuanzia mwanzo wa msimu na kuwaahidi wataendelea kupambana hadi mechi ya mwisho.
Baada ya mchezo huo wa kesho, Simba ambao wanaongoza kwenye msimamo wa Ligi Kuu watasafiri kuelekea Shinyanga kuwafuata Mwadui FC katika mchezo wa utakaofanyika Alhamisi kwenye Uwanja wa Kambarage mkoani Shinyanga.
ADVERTISE HERE
