Mshauri wa Mwekezaji wa klabu ya Simba Crescentius Magori, amesema kwenye mechi ya watani wa jadi dhidi ya Yanga, kukosekana kwa Gerson Fraga eneo la kiungo ilikuwa changamoto kubwa kwao
Akizungumza jijini Dar es Salaam jana, Magori alisema kwa uchezaji ambao Yanga walikuwa wanacheza kwa kutumia zaidi nguvu, Fraga angeweza kabisa kusaidiana vema na Jonas Mkude kuwadhibiti.
"Pengo la Fraga ambaye anafanya shughuli pale katikati lilionekana. Kwa sababu sidhani kama wachezaji wa Yanga wangepita pale. Ilikuwa ni shida sana kukosekana kwake kwa sababu yeye amekuwa akiwasaidia na kuwalinda mabeki wa kati na pia uchezaji wa kutumia nguvu ungeenda sawa na wale wa Yanga, hivyo kungekuwa na shughuli," alisema Magori.
Fraga, aliumia dakika za mwanzo tu kwenye mechi kati ya timu ya Simba dhidi ya Biashara United na nafasi yake kuchukuliwa na Said Ndemla, mechi ikichezwa Septemba 20 na hadi leo hajarejea uwanjani.
Mbali na hayo, alisema pia kukosekana kwa Meddie Kagere na Chris Mugalu nako kulisababisha kupungua kwa mashambulizi ya Simba kwani ilikuwa inatumia straika mmoja tu, huku Yanga ikiweka mabeki wengi wa kati na viungo wa kukaba, pia wachezaji wengi wakiwa wanarudi nyuma kusaidi
