Plateau United ni mabingwa wa ligi kuu ya Nigeria msimu uliopita, wakitwaa taji mbele ya Enyimba wakinufaika na uamuzi wa Chama cha Soka Nigeria kufuta msimu kutokana na janga la corona
Timu hii ilianzishwa mwaka 1975, na walitwaa ubingwa wa Nigeria kwa mara ya kwanza mwaka 2017
Walipanda daraja kushiriki ligi kuu ya Nigeria msimu wa 2010-11 kisha wakateremka daraja msimu uliofuata
Walipanda tena msimu wa 2014-15 na msimu mmoja baadae wakashinda taji la ligi kuu ya Nigeria
Mwaka 2018 wakashiriki michuano ya ligi ya mabingwa barani Afrika kwa mara ya kwanza
Timu hii haina rekodi ya kutisha katika michuano mikubwa barani Afrika, huu ukiwa msimu wao wa pili kushiriki michuano ya ligi ya mabingwa
Wananolewa na kocha mzawa, Kennedy Boboye
Wanakutana na Simba ambayo tayari ina uzoefu mkubwa wa kushiriki michuano ya ligi ya mabingwa mwaka 2018 ikifanikiwa kutinga hatua ya robo fainali
Ni rasmi kuwa mchezo wa kwanza utapigwa kule nchini Nigeria kati ya Novemba 27-29 na mchezo wa marudiano kupigwa Disemba 04-06 jijini Dar es salaam
Hii ni nafasi kwa Simba kusahihisha makosa ya msimu uliopita walipotolewa hatua ya awali na UD Songo
