Dabi limepita sasa nguvu zielekezwe ligi ya mabingwa

Klabu ya Simba itaanza majukumu ya kuiwakilisha Tanzania mwishoni mwa mwezi kwenye michuano ya ligi ya mabingwa barani Afrika

Droo ya michezo ya hatua ya awali inatarajiwa kufanyika jijini Cairo kesho Jumatatu ambapo michezo ya hatua ya awali itapigwa kuanzia Novemba 27

Awamu ya kwanza ya dirisha la usajili kwa ajili ya michuano ya CAF msimu huu ilifungwa juzi

Kocha Sven Vandenbroeck anapaswa kuanza maandalizi ya kikosi chake mapema ili kuhakikisha malengo ya msimu huu yanafikiwa

Kwa sasa ligi kuu imesimama kwa takribani wiki mbili kupisha michezo ya timu za Taifa kuwania tiketi ya kufuzu michuano ya Afcon 2021

Baada ya kalenda ya Kimataifa ya CAF kupita, Simba itakuwa na wiki moja ya kukamilisha maandalizi kabla ya mikiki mikiki hiyo kuanza