Mkuu wa Kitengo cha Habari na Mawasiliano klabu ya Simba Haji Manara amesema pamoja na kutarajia mchezo mgumu dhidi ya Yanga leo, lakini wana matumaini makubwa ya kuondoka na alama zote tatu
Manara amesema kama ulivyo utamaduni wao, wataingia katika mchezo huo wakicheza kandanda safi kwa ajili ya kuwapa burudani mashabiki ingawa anafahamu Yanga wataingia kwa kukamia
Amesema kwa ubora wa kikosi chao, nafasi kubwa zaidi ya kuondoka na alama zote tatu iko upande wao
"Tunajua ugumu wa mechi za Derby na tunafahamu wenzetu watakuja kucheza kwa kuparamia na kwa kutumia miguvu Kama ilivyo desturi yao. Lakini hakika yetu ni kucheza kwa utaratibu wetu na kutowadharau wapinzani wetu
"Tutawapress, wachezaji wetu wakitumia nafasi,bila shaka mchezo utaisha mapema kabisa. Mwisho wa Siku mshindi ni yule aliyejiandaa vizuri zaidi na mwenye kikosi bora ambae hakuna shaka ni Simbaaaaaa!!! Iwe kheri kwetu," aliandika Manara kwenye ukurasa wake wa mtandao wa kijamii
