Mabingwa wa nchi Simba jioni ya leo watakuwa na nafasi ya kuendeleza umwamba dhidi ya wapinzani wao wa jadi Yanga kwenye mchezo wa ligi kuu utakaopigwa uwanja wa Benjamin Mkapa
Simba itaingia kwa Mkapa ikiwa na lengo moja tu, kupata ushindi utakaowasogeza juu ya msimamo wakipunguza tofauti ya alama dhidi ya wapinzani wao hao
Kocha Mkuu wa Simba Sven Vandenbroeck amesema wamefanya maandalizi mazuri, wachezaji wake wako tayari kuendeleza pale walipoishia mwishoni mwa msimu uliopita wakishinda mabao 4-1
Simba leo itamkosa mshambuliaji wake Meddie Kagere ambaye yuko nchini Rwanda akitibu majeraha aliyopata kwenye mchezo wa ligi kuu mwezi uliopita
Mwamba wa Lusaka Clatous Chotta Chama kama kawaida leo, ataendelea kuwavuruga, Mugalu pia atakuwa na dakika zake!
Wakati upande wa Yanga tambo zikiwa nyingi kwenye mitandao ya kijamii, kwa Simba shughuli huwa inamalizika uwanjani
Msemaji na Afisa habari wa Simba Haji Manara amewataka mashabiki wa Simba wajitokeze kwa wingi wakashuhudie 'pira VPN' litakalochanganywa na 'pira biriani'
Ni utamaduni wa Simba kuwapa burudani mashabiki wao zaidi katika michezo dhidi ya Yanga
Utamaduni huo utaendelezwa pale kwa Mkapa
