Chama apiga 'tizi la kufa mtu' Simba

Pamoja na uwepo wa taarifa kuwa kiungo Clatous Chama anaweza kukosekana kwenye mchezo dhidi ya Yanga kutokana na majeruhi, mwamba huyo wa Lusaka amejifua kikamilifu katika mazoezi ya jioni na hivyo kuweka matumaini kuwa anaweza kuwepo kesho

Mapema leo, kocha mkuu wa Simba Sven Vandenbroeck alitoa taarifa ya wachezaji wake watatu kukosa mchezo dhidi ya Yanga, Chama akitajwa miongoni mwa wachezaji hao

Hata hivyo 'Triple C' ameshiriki ,mazoezi ya mwisho jambo linaloashiria kuwa huenda ikawa mbinu tu za Sven, kuwaingiza mkenge Yanga ambao wameonekana dhahiri kumuhofia Mzambia huyo

Simba imekamilisha maandalizi yake ya mwisho kuelekea mchezo huo ambao utapigwa kuanzia saa 11 jioni uwanja wa Benjamin Mkapa