Mabingwa wa nchi Simba wameapa kuendeleza pale walipoishia mchezo uliopita dhidi ya watani zao Yanga ambapo walishinda mabao 4-1 uwanja wa Benjamin Mkapa
Ulikuwa mchezo wa nusu fainali kombe la FA, Simba ikitinga fainali na hatimaye kutwaa taji hilo
Kikosi cha Simba kinakachoshuka dimbani kesho hakitakuwa na mabadiliko makubwa zaidi ni kuongezeka kwa silaha zaidi kina Joash Onyango, Larry Bwalya na Chris Mugalu
Simba imerejea kwenye mstari baada ya kushinda mechi mbili mfululizo, wakifunga mabao saba
Ni mchezo ambao Simba inahitaji ushindi ili kuendelea kusogea juu ya msimamo wa ligi
Simba inashika nafasi ya tatu ikiwa imejikusanyia alama 19, alama nne pungufu ya Yanga inayoshika nafasi ya pili na alama sita pungufu ya Azam Fc inayoshika nafasi ya kwanza
Azam Fc imecheza mechi moja zaidi. Upo uwezekano mkubwa wa Simba kurejea kileleni mapema kama watashinda kesho kwani baada ya mchezo huo, mchezo wa Yanga unaofuata ni dhidi ya Azam Fc
Tiketi za mchezo huo zimeanza kuuzwa juzi ambapo Viingilio Mzunguko 7,000/-, Viti vya Orange 10,000/-, V.I.P C 15,000/-, V.I.P B 20,000/- na V.I.P A 30,000/-.
