Kuna wakati yalisemwa mengi sana kuhusu kiungo Said Khamis Ndemla. Wapo waliojaribu kumvuruga wakati wa usajili wakitaka asiongeze mkataba na Simba kwa kuwa hapati nafasi ya kucheza
Lakini pia uongozi wa Simba ulimuongeza mkataba mpya wengine wakahoji wanamuongezea mkataba wa nini wakati hatumiki?
Aidha Ndemla mwenyewe akasisitiza kutokuwa na mpango wa kuondoka Simba akiamini kuwa nafasi yake ipo
Ubora huja kwa muda lakini kipaji ni kipo tu, ndivyo ilivyokuwa kwa Ndemla
Sasa amekuwa kwenye kiwango cha juu sana, Etienne Ndayiragie, hakufanya makosa kumjumuisha kwenye kikosi chake cha timu ya taifa
Ndemla amefunga mabao mawili katika mechi mbili zilizopita. Lakini ni mchezaji aliyeimarika sana na umuhimu wake unaonekana kwenye kikosi cha Sven Vandenbroeck
Wakati huu anafanya vizuri, hutawasikia wale waliokuwa wakimbeza na kukosoa uwepo wake katika klabu ya Simba
Simba iliona mbali kumuongeza mkataba, kwani wanafahamu uwezo wake. Ndemla yuko kwenye kikosi cha Simba kwa zaidi ya miaka nane
Amelelewa Msimbazi na huu ni wakati wake wa kulipa fadhila kwa Wanamsimbazi
