Bodi ya ligi imebainisha kuwa waamuzi sita watatumika kwenye mchezo wa kwanza wa watani wa jadi msimu huu kati ya Yanga dhidi ya Simba ambao utapigwa Jumamosi, Novemba 07 uwanja wa Taifa
Kuanzia msimu uliopita, TFF imeweka utaratibu wa kutumia waamuzi sita kwenye mchezo unaozikutanisha Yanga na Simba
Mtendaji Mkuu wa Bodi ya Ligi Almasi Kasongo amesema lengo la kutumia waamuzi sita ni kupunguza makosa na kuongeza umakini
Bado Bodi ya Ligi haijaweka hadharani majina ya waamuzi hao lakini zipo taarifa za kuwa wanaweza kuwa Martin Saanya, Ramadhan Kayoko, Abdallah Mwinyimkuu, Selemani Nonga na Abdulaziz Ally
Yanga inatarajiwa kuwa mwenyeji wa mchezo huo wa kwanza msimu huu ambao awali ulipangwa kupigwa Oktoba 18 lakini ukasogezwa mbele
Mara ya mwisho timu hizo kukutana ilikuwa nusu fainali michuano ya kombe la FA msimu uliopita, Simba ikifanikiwa kuondoka na ushindi wa mabao 4-1
Katika msimu huo, Simba na Yanga zilikutana mara tatu, matokeo ya sare ya mabao 2-2 yalipatikana kwenye mchezo wa kwanza wa ligi kabla ya Yanga kushinda kwa bao 1-0 katika mchezo wa mzunguuko wa pili
Lakini Simba ikadhihirisha umwamba wake katika nusu fainali ya FA kwa ushindi wa mabao 4-1
