Ni Jumapili hii pale uwanja wa Taifa

Baada ya kukosa kushiriki michuano ya Kimataifa kwa takribani miaka mitano, Vinara wa ligi kuu ya Vodacom Simba keshokutwa Jumapili, February 11 watashuka kwenye uwanja wa Taifa kumenyana na Gendarmarie kutoka Djibout kwenye mchezo wa kwanza kombe la Shirikisho hatua ya awali.

Mgeni rasmi katika mchezo huo anatarajiwa kuwa Rais Mstaafu wa awamu ya pili Mzee Ali Hassan Mwinyi.

Simba itaingia kwenye mchezo huo ikiwa na moja ya vikosi bora ilivyowahi kuwa navyo katika Historia yake.

Wapo wanaoiona Simba ya mwaka huu kuwa na kila dalili ya kurudia kile ilichofanya mwaka 1993 kwa kushiriki fainali ya kombe la washindi la CAF.

Aidha Simba inaanza kampeni ya michuano hiyo ikiwa na moja wa wakufunzi bora wa soka barani Afrika, Pierre Lechantre.

Kocha huyu aliwahi kuiongoza timu ya Taifa ya Cameroon kutwaa ubingwa wa AFCON mwaka 2000.

Lechantre na benchi lake la Ufundi wameahidi kuhakikisha Simba inatinga hatua ya makundi ya michuano hii ambayo mshindi wake anazoa mapesa ya kutosha!

Simba inashuka dimbani keshokutwa ikiwa bado ya moto hasa kutokana na mafanikio yake katika ligi.

Kikosi cha Simba kimeshinda michezo sita mfululizo ya ligi kuu ya Vodacom bila ya kuruhusu bao langoni mwake.

Hivyo hivyo washambuliaji wake wamefungwa jumla ya mabao 39 na kuwaacha mbali wapinzani wao kwenye mbio za ubingwa wa VPL, Yanga, Azam FC na Singida United.

Viingilo vya mchezo huo tayari vimewekwa hadharani. Huu sio mchezo wa kukosa!