Baada ya kumfuta kazi kocha wa makipa Muharami Mohammed, klabu ya Simba tayari imeanza mchakato wa kumpata mrithi wake
Kocha Abdul Idd Salim raia wa Kenya ndiye anayetajwa kuwa katika rada za mabingwa hao wa Tanzania Bara kwa misimu mitatu mfululizo
Salim yuko klabu ya Sheikh Russel inayoshiriki Ligi Kuu ya Bangladesh. Kocha huyo aliwahi kuwanoa makipa wa Simba katika vipindi viwili tofauti ambapo mara ya kwanza alitua Juni 2015 wakati Kocha Mkuu wa Simba akiwa, Dylan Kerr raia wa England, kisha akaondolewa na kurudi tena Desemba 2016, kipindi Simba ikinolewa na Mcameroon, Joseph Omog
Taarifa kutoka ndani ya Simba zinasema kuwa, uamuzi wa kumrudisha kocha huyo ni baada ya kuona ndiye kocha atakayewafaa kwa wakati huu ili kurudisha viwango vya makipa wao lakini anaweza kuwasaidia sana kwenye michuano ya kimataifa
