Simba yasaka alama tatu muhimu dhidi ya Mwadui Fc

Mabingwa wa nchi Simba jioni ya leo watashuka uwanja wa Uhuru kumenyana na Mwadui Fc katika mchezo wa ligi kuu ya Vodacom

Baada ya kupoteza michezo miwili mfululizo, huu ni mchezo ambao mashabiki hawatakubaliana na matokeo yoyote tofauti na ushindi

Wachezaji pamoja na benchi la ufundi wanafahamu umuhimu wa mchezo huu

Msemaji wa klabu ya Simba Haji Manara amewataka mashabiki wajitokeze kwa wingi kuiunga mkono timu yao na kuwa wachezaji wameahidi kupambana kuwapa furaha

Leo mashabiki huenda wakawashuhudia kikosini Mzambia Clatous Chama na mshambuliaji aliyekuwa majeruhi, Chris Mugalu pamoja na nahodha John Bocco aliyerejea aliyerejea kikosini katika mchezo uliopita