Lawi awe fundisho kwa Waamuzi wengine

Kamati ya Uendeshaji na Usimamizi wa ligi jana ilitoa adhabu mbalimbali kwa wachezaji na waamuzi kutokana na matukio yaliyotokea katika mechi zilizopita

Mwamuzi Shomari Lawi yeye alikumbana na adhabu ya kufungiwa mwaka mmoja kwa kushindwa kumudu mchezo wa ligi kuu kati ya Tanzania Prisons dhidi ya Simba ambao ulipigwa Sumbawanga wiki iliyopita

Ni moja ya michezo iliyokuwa na matukio mengi ya ajabu ajabu ambayo Lawi hakuyachukulia hatua tena mengine yakiwa dhahiri kabisa

Adhabu hii iwaamshe waamuzi wengine, wafahamu kuwa wanapaswa kuchezesha kwa kufuata kanuni 17 za mpira wa miguu

Maamuzi yasiyofuata kanuni yanaziumiza timu kwani uwekezaji mkubwa unafanyika kuhakikisha timu zinafanya vizuri