Winga Bernard Morrison hukabiliana na wakati mgumu sana anapokuwa dimbani kwa jinsi anavyokamiwa na wachezaji wa timu pinzani
Sidhani kama kwenye ligi mpaka raundi hii ya nane kuna mchezaji amefanyiwa madhambi mara nyingi zaidi kuliko Morrison
Kuna wakati kocha Sven Vanenbroeck alitahadharisha wachezaji wa timu pinzani kukosa uungwana na kumfanyia rafu za makusudi kabisa
Bahati mbaya waamuzi wamekuwa wakiacha matukio hayo ya hatari ambayo huwa anafanyiwa
Sven alikwenda mbali zaidi akihofia yawezekana kuna timu zinalipa wachezaji wa timu pinzani ili wamuumize Morrison 'wameweka pesa kwenye kichwa cha Morrison'
Katika kila mchezo ambao Morrison amaitumikia Simba lazima utakutana na tukio lisilo la kiungwana ambalo amefanyiwa
Jana kabla ya tukio la kumpiga ngumi Juma Nyoso, ni yeye aliyekuwa amefanyiwa madhambi ya makusudi kabisa na beki huyo mkongwe na mtukutu
Ni bahati mbaya jana Morrison alikosa uvumilivu na kujikuta akiingia mtegoni, kitendo alichofanya hakikuwa cha kiungwana lakini ni matokeo ya dhurma nyingi ambazo anafanyiwa anapokuwa uwanjani
