Mabingwa wa nchi Simba leo majira ya saa kumi Alasiri watashuka dimba la Uhuru kupepetana na Ruvu Shooting katika mchezo wa ligi kuu ya Vodacom
Huu ni mchezo muhimu sana kwa vijana wa Sven Vandenbroeck kuondoka na alama zote tatu ili kuhakikisha wanaendelea kuzipa presha Yanga na Azam Fc ambazo ziko juu yao
Aidha kwa wachezaji, huu ni mchezo mwingine kwao kudhihirisha kuwa matokeo ya mchezo uliopita yalikuwa bahati mbaya
Baada ya kurejea kutoka Rukwa, wachezaji walipata nafasi ya kupumzika na leo wataingia uwanjani wakiwa 'fresh'
Uongozi wa Simba umewataka mashabiki wake wajitokeze kwa wingi uwanja wa Uhuru kuiunga mkono timu yao, wasahau matokeo ya mchezo uliopita
"Tuliteleza na sasa tumesimama tayari kutafuta alama tatu muhimu mbele ya Ruvu Shooting. Wanasimba tunawaomba kesho (leo) mjitokeze kwa wingi kuishangilia timu yetu"
