Mkuu wa Kitengo cha Habari na Mawasiliano klabu ya Simba Haji Manara, amewataka mashabiki wa timu hiyo kutokuwa na hofu ju ya timu yao kwani mkakati wao ni kushinda ubingwa wa ligi kuu kwa msimu wa nne mfululizo
Manara amesema kupoteza mchezo sio jambo la kuwakatisha tamaa kwani hutokea kila msimu lakini muhimu ni zile hesabu za mwisho baada ya msimu kukamilika
"Mwaka juzi tulipoteza na Mbao katika raundi za mwanzo mwanzo za ligi kuu kule Mwanza, nakumbuka hadi chupa za maji tulirushiwa pale kirumba
"Halikadhalika msimu uliopita tulifungwa na Mwadui mwanzoni kabisa mwa msimu, tukaaambiwa tunaachia ubingwa. Mwisho wa msimu tukawa bingwa kwa tofauti ya pointi ambazo ni rekodi ya Tanzania!
"Nini maana yangu? Tunakwenda kushinda game ishirini mfululizo za ligi kuu kutokea Jumatatu, baada ya hizo game tutapiga hesabu zetu vizuri kabisa! Sure yangu ni kwamba tutakuwa Bingwa wa taifa hili hadi 2028, halafu tutaamua tufanyaje?," ametamba Manara
Kesho Jumatatu Simba itashuka uwanja wa Uhuru kumenyana na Ruvu Shooting
