Nahodha Msaidizi wa Simba Mohammed Hussein 'Zimbwe Jr' amesema wamepoteza mchezo dhidi ya Prisons kama sehemu ya matokeo na sasa wanajipanga kuelekea mchezo unaofuata dhidi ya Ruvu Shooting utakaopigwa keshokutwa jijini Dar es salaam
"Tumepoteza mchezo, wenzetu walipata nafasi wakaitumia lakini sisi tulipata nafasi pia lakini hatukuweza kuzitumia. Kocha atakuwa ameona mapungufu yaliyojitokeza na tutayarekebisha kabla ya mchezo unaofuata," alisema
"Kila mchezaji aliyesajiliwa Simba ana uwezo hatuwezi kusema kukosekana kwa baadhi ya wachezaji ndio sababu ya kufungwa, yawezekana hata kama wangekuwepo tungefungwa, ni matokeo tu"
"Muhimu nawataka mashabiki tusonge mbele pamoja kuelekea mechi inayofuata. Kuna tulichojifunza kutokana na matokeo haya"
Baada ya mchezo huo, Simba inarejea jijini Dar es salaam ambako inakabiliwa na mchezo wa raundi ya nane dhidi ya Ruvu Shooting
