Mtendaji Mkuu wa Simba Barbara Gonzalez amewataka Wanamsimbazi kukubali matokeo ambayo timu yao imepata leo mkoani Rukwa kwani ni sahemu ya mchezo
Barbara amesema ligi ina ushindani, hakuna timu dhaifu na kila timu inapambana kusaka alama tatu
Amewataka Wanamsimbazi kusonga mbele, kwa ajili ya mechi zinazofuata
"Hakuna timu dhaifu. Alimradi inashiriki VPL, basi ni timu nzuri. Leo haikua siku yetu. Tusonge mbele Wanasimba," aliandika Barbara kwenye ukurasa wake wa mtandao wa kijamii
Simba imepoteza mchezo wake wa kwanza msimu huu kwa kufungwa bao 1-0 na Tanzania Prisons
Makosa ya safu ya ulinzi pamoja na mlinda lango yalipelekea Samson Mbangula kufunga bao la kichwa kupitia mpira ambao haukuwa ukionekana kuwa na madhara makubwa
Manula alipiga hesabu zake vibaya kwa kujaribu kuutokea mpira huo kabla ya kuishia njiani huku walinzi wakishindwa kuruka na Mbangula
