Mabingwa wameacha pointi zote mkoani Rukwa baada ya kufungwa bao 1-0 na Tanzania Prisons katika mchezo uliopigwa uwanja wa Nelson Mandela
Samson Mbangula ndiye aliyeihakikishia Tanzania Prisons kwa kufunga bao pekee la maafande hao
Ulikuwa mchezo mgumu, Prisons walionekana kukamia, wakicheza mchezo wa mabavu
Aidha kukosekana kwa wachezaji kama Paschal Wawa, Clatous Chama, Chris Mugalu, John Bocco na Meddie Kagere pengo lao limeonekana wazi wazi kwani aina ya mchezo huo uliwahitaji
Majeruhi ni changamoto inayoikabili Simba sasa, na bahati mbaya beki Shomari Kapombe ameongeza orodha ya majeruhi kwenye kikosi cha mabingwa hao wa nchi baada ya kuumizwa leo
Baada ya mchezo huo, Simba inarejea jijini Dar es salaam ambapo mchezo unaofuata utapigwa uwanja wa Uhuru dhidi ya Ruvu Shooting, October 25
