Mkuu wa Kitengo cha Habari na Mawasiliano klabu ya Simba Haji Manara amesema leo wachezaji wa Simba watakuwa na kazi moja tu, kuhakikisha wanapamba kupata ushindi dhidi ya Prisons
Manara amesema michezo dhidi ya Prisons katika misimu ya hivi karibuni imekuwa migumu kutokana na timu hizo kukamiana
Hata hivyo, Simba wakiwa mabingwa, wakimiliki kikosi bora zaidi nchini, wana kila sababu ya kudhihirisha kwa nini walishinda mataji yote msimu uliopita
"Prisons ni timu ngumu miongoni mwa timu ngumu katika ligi kuu ya Tanzania hususan unapokutana nao kwenye uwanja mgumu kama tunaocheza nao leo lakini Simba ni Bingwa wa taifa hili na always Bingwa hufanya vizuri popote pale"
"Mchezo dhidi ya Prisons wachezaji wetu lazma watoe jasho jingi na wapambane kweli kweli ili kupata matokeo chanya. Ligi ni ngumu ila wao ni wachezaji bora kabisa. Insha'Allah kwa juhudi zao na maarifa ya makocha wetu, na kwa Dua na Sala zetu Wanasimba Insha'Allah tutashinda pale Nelson Mandela Stadium," aliandika Manara kwenye ukurasa wake wa mtandao wa kijamii
