Kikosi cha Simba kiliondoka mapema leo jijini Dar es salaam kuelekea mkoani Mbeya ambako wataweka kambi ya muda mfupi kabla ya kuelekea mkoani Rukwa kwa ajili ya mchezo wa ligi kuu dhidi ya Tanzania Prisons
Simba tayari iko Mbeya ikiendelea na maandalizi na wanatarajia kusafiri kuelekea Sumbawanga siku moja kabla ya mchezo dhidi ya Prisons ambao utapigwa Alhamisi
Msafara wa Simba umeondoka na wachezaji 22, Chris Mugalu akipewa kazi ya kwenda kuongoza safu ya ushambuliaji baada ya nahodha John Bocco ambaye ni majeruhi na Meddie Kagere wote kukosekana
Mugalu ameanza vyema maisha ndani ya klabu ya Simba akifunga katika kila mchezo ambao ameshuka dimbani
Unaweza kusema ndiye mshambuliaji ambaye yuko kwenye kiwango bora sana katika kuzifumania nyavu. Amefunga mabao saba katika mechi sita alizochezampaka sasa
Bila shaka ndiye atakayepewa jukumu la kuwapa furaha mashabiki wa Simba, akitarajiwa kuongoza safu ya ushambuliaji kwenye mchezo huo
