Okwi, Ndemla, Kichuya wamkuna Lechantre

Vinara wa Ligi Kuu Bara, Simba wameshaanza mipango mikakati ya kuwakabili wapinzani wao Gendarmerie kutoka nchini Djibouti ili watoke na ushindi na tayari Kocha Mkuu wake, Pierre Lechantre amewapa shavu la maana nyota wake watatu.

Mfaransa huyo alisema Said Ndemla, Shiza Kichuya na Emmanuel Okwi na kama watacheza vizuri katika michuano hiyo ya kimataifa ni rahisi kwao kupata timu nje ya nchi na kucheza soka la kulipwa hasa Ulaya kwani ni wakali kinoma kwa soka yao.

Lechantre alisema kila kitu ni ndoto kama wachezaji hao wakiwa na ndoto ya kutamani kwenda mbele zaidi kwa muda aliokaa ndani ya Simba ana imani wanaweza na wakalifanikisha hilo haswa kupitia haya mashindano ya Kimataifa ambayo yanafuatiliwa na timu nyingi kubwa Afrika hata Ulaya.

“Kila kitu ni ndoto siwezi kuzungumzia kwa upande wao lakini nimewaona wana uwezo na wakijituma katika michuano ya CAF wanaweza kwenda mbali zaidi kisoka,” alisema.

“Tangu nimefika Simba nimekutana na wachezaji wote wana vipaji vya hali ya juu jambo ambalo litanifanya kutofanya kazi katika mazingira magumu na kunipa matumaini kuwa naweza kufanya vizuri kwa kushirikiana nao,” alisema Lechantre.

Mwanaspoti