Onyango, Kahata warejea kikosini

Nyota wawili wa Simba Joash Onyango na Francis Kahata tayari wamerejea wakijiunga na wenzao kuendelea na maandalizi ya mchezo dhidi ya Tanzania Prisons utakaopigwa Oktoba 22

Nyota hao walikuwa nchini Kenya wakitimiza majukumu ya timu ya Taifa. Wote walicheza mchezo wa kirafiki dhidi ya Zambia, Kenya ikishinda mabao 2-1

Meneja wa Simba Patrick Rweyemamu amesema wachezaji hao wameanza mazoezi sambamba na Mnyarwanda Meddie Kagere aliyekuwa na majukumu timu ya Taifa ya Rwanda

Rweyemamu amesema kikosi chao kiko kamili wakiendelea na maandalizi licha ya changamoto ya mvua zinazoendelea kunyesha jijini Dar es salaam