Wakati mabingwa wa nchi Simba wakitarajia kucheza mchezo wao wa sita ligi kuu ya Vodacom Jumatano ijayo dhidi ya Tanzania Prisons, wana rambaramba Azam Fc wanaonekana kuanza msimu kibabe baada ya jana tena kuifunga Mwadui Fc mabao 3-0
Ushindi huo unaifanya Azam Fc iweze kujichimbia kileleni mwa msimamo wa ligi baada ya kushinda mechi zao zote
Mshambuliaji wao Prince Dube ndiye kinara wa mabao kwenye ligi akiwa amefunga mabao sita
Huyu jamaa anaonekana kuwa hatari kwani amehusika katika mabao tisa, kafunga sita katengeneza matatu ndani ya mechi sita
Pengine hawa Azam Fc wanaweza kuwapa changamoto Simba msimu huu katika kuwania ubingwa
Hata hivyo ni pale watakapocheza na Mnyama ndio itafahamika kama ni washindani au ni moto wa kifuu tu
Kuongezeka kwa ushindani ni dhahiri kutainufaisha Simba inayokabiliwa na majukumu ya michuano ya ligi ya mabingwa baadae mwezi ujao
Simba imeziacha mbali sana kwa ubora timu nyingi zinazoshiriki ligi kuu. Mabingwa hao wa nchi hawapati ushindani ule ambao wataenda kukutana nao kule katika ligi ya mabingwa
Kuimarika kwa Azam kutamuongezea nidhamu kocha Sven Vandenbroeck katika maandalizi ya kikosi chake
