Simba kujipima na Mlandege Fc Jumamosi

Keshokutwa Jumamosi, kikosi cha mabingwa wa soka Tanzania Bara Simba kitashuka kwenye uwanja wa Azam Complex, Chamazi kuumana na Mlandege katika mchezo wa kirafiki

Simba haitakuwa na mchezo wa ligi mwishoni mwa wiki, hivyo hii itakuwa nafasi kwa kocha Sven Vandenbroeck kuwaweka sawa vijana wake kabla ya mchezo dhidi ya Tanzania Prisons ambao utapigwa mkoani Rukwa Oktoba 22

Juzi Simba ilipaswa kucheza mechi nyingine ya kirafiki dhidi ya Ndanda Fc lakini mchezo huo haukufanyika kutokana na changamoto ya mvua inayoendelea kunyesha jijini Dar es salaam

Machampioni hao wanaendelea kujifua kwenye uwanja wao wa Mo Simba Arena kujiandaa na mechi hizo zinazofuata