Mkude aomba radhi, tukutane mechi inayofuata

Kiungo Jonas Mkude amewaomba radhi Watanzania kufuatia kuonyeshwa kadi nyekundu kwenye mchezo wa Kimataifa wa kirafiki dhidi ya Burundi jana

Mchezo huo uliopigwa uwanja wa Benjamin Mkapa, ulimalizika kwa Tanzania kufungwa bao 1-0

Mkude alitolewa nje kwenye dakika ya 75, baada ya kuonyeshwa kadi ya pili ya njano

Kutoka kwake kuliigharimu Stars kwani Burundi walitumia mwanya huo kutawala mchezo na kufanikiwa kufunga bao pekee

"Samahani inamaanisha unajisikia machungu ambayo wameyapitia watu wengine pamoja na wewe mwenyewe. Tukutane mchezo unaofuata," aliandika Mkude kwenye ukurasa wake wa mtandao wa kijamii

Stars inakabiliwa na mtihani wa kuwania tiketi ya kufuzu fainali za Afcon 2021 dhidi ya Tunisia mchezo ukitarajiwa kupigwa Novemba 13