Bao la dakika ya 85 lililofungwa na Saidi Ntibazonkiza limeihakikishia Burundi ushindi wa bao 1-0 dhidi ya Tanzania katika mchezo wa Kimataifa wa kirafiki uliopigwa uwanja wa Benjamin Mkapa
Ulikuwa ni mchezo ambao Stars ingeweza kuibuka na ushindi kirahisi tu kwani waliutawala kwa muda mwingi lakini bado ipo shida kwenye umaliziaji
Nahodha Mbwana Samatta, Iddi Selemani na hata Simona Msuva walipoteza nafasi kadhaa huku timu ikikosa mpango mzuri iliposhambulia lango la Burundi
Burundi walitumia dakika 15 za mwisho kujihakikishia ushindi huo hasa baada ya kiungo Jonas Mkude kutolewa nje baada ya kuonyeshwa kadi ya pili ya njano
Stars inakabiliwa na mchezo mgumu wa kuwania kufuzu fainali za AFCON 2021 dhidi ya Tunisia mwezi ujao
Ni wazi kocha Etienne Ndayiragije ana kazi ya kuhakikisha anawaweka vijana wake sawa kabla ya safari ya Tunisia Novemba 13
