Klabu ya Simba imesema kuwa kwa sasa haina presha yoyote ile kwani wamekipata kile walichokuwa wakikisaka kwa takribani misimu saba
Tangu Simba ilipotwaa ubingwa wa Ligi Kuu Tanzania Bara msimu wa 2011/12, mabingwa hao wa nchi walilazimika kusubiri misimu mitano kabla ya kulishinda kombe hilo
Wekundu wa Msimbazi walirejesha ubabe wao msimu wa 2017/2018 walipotwaa ubingwa wa ligi hiyo kabla ya kufanya hivyo misimu miwili zaidi, yaani 2018/19 na 2019/20.
Kwa sasa mashabiki na wanachama wa Simba wamekuwa wakitembea vifua mbele kutokana na mafanikio hayo ya kubeba kombe la Ligi Kuu Bara mara tatu mfululizo, lakini ikiwamo kufika robo fainali ya Ligi ya Mabingwa Afrika msimu wa 2019/2019.
Katika kuonyesha uongozi wa Simba usivyotaka masikhara, umetamba kuendelea kulibeba kombe hilo la Bara msimu huu, ikiwamo kufika nusu fainali au fainali ya Ligi ya Mabingwa Afrika
Hesabu kali zaidi ni kwenye michuano ya ligi ya mabingwa ambako wengi wanaamini ndiko mabingwa hao wa nchi watapata ushindani wa kweli kwani kwa ligi ya ndani ni kama hakuna wa kuisumbua Simba
