Wanne Simba wacheza dakika zote VPL

Ligi Kuu ya Vodacom imesimama kupisha kalenda ya michuano ya Kimataifa inayotarajiwa kupigwa mwishoni mwa wiki

Katika mechi tano zilizopigwa, Simba imefanikiwa kushinda mechi nne na kutoka sare mchezo mmoja

Wachezaji wanne katika kikosi cha mabingwa hao wa nchi, wamefanikiwa kucheza dakika zote tisini kwenye kila mechi

Hapa tunawazungumzia Mlinda lango Aishi Manula, mabeki wa pembeni Mohammed Hussein na Shomari Kapombe pamoja na mlinzi wa kati aliyetua dirisha la usajili lililopita Joash Onyango

Pongezi nyingi tunaweza kumpa Kapombe kwani ametoka kwenye kipindi kigumu cha majeraha ya muda mrefu

Kuweza kucheza mechi tano mfululizo, inadhihirisha sasa amepona na msimu huu atakuwa msaada mkubwa kwa mabingwa hao wa nchi