Ndio, ni mwendo wa vipigo tu hata yule anayefuata Oktoba 18 ajiandae kisaikolojia!
Ni ushindi wa kibabe ambao mabingwa wa nchi Simba wamepata mkoani Dodoma baada ya kuifumua JKT Tanzania mabao 4-0 katika mchezo uliopigwa dimba la Jamhuri
Kuizuia Simba hii inapaswa ufanye kazi ya ziada, lakini pale inapokuwa kwenye kiwango bora ni jambo lisilowezekana kabisa
Meddie Kagere 'MK 14' amerejea katika mawindo yake ya kiatu cha dhahabu kwa msimu wa tatu mfululizo akiweka kambani mabao mawili leo na kuongoza mbio za ufungaji bora akiwa na mabao manne
Chris Mugalu anatupia tu, kwani leo tena amefunga, hilo likiwa bao la tano katika mechi tano alizocheza katika kikosi cha Simba
Kwenye ligi ana mabao matatu
Mmakonde, Luis Miquissone baada ya kuwa mpishi wa mabao ya wengine, leo amefungua akaunti yake ya mabao msimu huu akiweka kambani bao la nne
Baada ya ushindi wa leo kikosi cha Simba kinatarajiwa kuianza safari ya kurejea jijini Dar es salaam ambapo nyota wake 12 wanatarajiwa kujiunga na timu za Taifa kwa ajili ya mechi za kirafiki
