Kocha Mkuu wa Simba Sven Vandenbroeck amesema anafurahishwa na kuimarika kwa wachezaji wake katika matumizi ya mipira ya adhabu kufunga mabao
Juzi beki kiski Paschal Wawa alifunga bao maridhawa kupitia mpira wa adhabu
Lakini pia kona ya Luis Miquissone ilizaa bao la kwanza la Simba likiwekwa kambani na Meddie Kagere katika mchezo ambao Simba iliondoka na ushindi wa mabao 3-0 dhidi ya Gwambina Fc
Sven amesema ni jambo jema wanaanza kunufaika na mipira ya adhabu kwani katika mechi za nyuma wametumia mipira hiyo mara chache sana
"Wachezaji wanazidi kuimarika kila leo ni jambo zuri na linafurahisha hasa ukizingatia kwamba wameanza kufunga kwa kutumia mipira ya adhabu.
"Wawa amefunga bao moja mbele ya Gwambina kwa faulo, ni mpigaji mzuri na kwetu sisi ni furaha kwani awali ilikuwa ngumu kufunga kwa adhabu, mechi zetu zilizopita tulishindwa na ninaamini hii ni mara ya kwanza.
"Hata Luis Miqussone naye alipiga kona ambayo ilifungwa na Meddie Kagere hivyo kuna maendeleo ambayo yameanza kuonekana ndani ya kikosi kwa sasa tofauti na awali," alisema Sven
