Jana baadhi ya mashabiki wa Simba walifanyiwa vurugu na mashabiki wa Yanga mkoani Morogoro katika mchezo wa ligi kuu kati ya Mtibwa Sugar dhidi ya Yanga
Umekuwa utamaduni kwa vilabu vya Simba na Yanga kuwa siku zote mashabiki wa moja ya timu, mpinzani wake anapocheza huingia uwanjani kushangilia timu pinzani
Lakini inashangaza sana kwa siku za karibuni mashabiki wa Yanga wamekuwa wakiwafanyia vurugu mashabiki wa Simba wanaoingia katika mechi zao licha ya wao kutofanyiwa hivyo wanapoingia kwenye mechi za Simba
Mkuu wa Idara ya Habari na Mawasiliano klabu ya Simba Haji Manara amelitaka shirikisho la Mpira wa Miguu Tanzania (TFF) pamoja na Jeshi la Polisi kuchukua hatua kukomesha matukio hayo yanayohatarisha Amani
"Mategemeo yetu ni kuona TFF inachukua hatua stahiki kwa hivi vitendo vinavyoendelea kufanywa na baadhi ya Washabiki wa Yanga na pia tunatarajia kuona Jeshi letu imara la Polisi mkoa wa Morogoro linaaema kitu kuhusu kadhia ya jana iliyoacha doa kubwa katika amani na usalama kwenye viwanja vya soka nchini"
"Lakini nawasihi Wanasimba msilipe kisasi na muendelee kuhubiri na kutenda yaliyo mema viwanjani, endeleeni kufurahia burudani viwanjani, mengine tuwaachie TFF na Polisi kwa hatua zao kwa mujibu wa sheria zilizopo. Simba ni klabu ya watu wastaarabu na kamwe tusishiriki hata kwa bahati mbaya mambo ya hovyo hovyo," amesema Manara
