Kocha Mkuu wa timu ya Simba, Sven Vandenbroeck amesema anafurahia kiwango kinacho onyeshwa na uwezo wa washambuliaji wake ndani ya kikosi.
Sven amesema kila mshambuliaji anayempa nafasi amekuwa akifunga mabao kitu ambacho kitamsaidia katika michuano ya kimataifa.
Simba ina washambuliaji wanne ambao wote wameonyesha uwezo mkubwa wa kufunga kila wanapopewa na nafasi ya kucheza.
"Nafurahishwa sana uwezo wa washambuliaji wangu ndani ya Simba. Tunaye John Bocco, Medie Kagere, Chris Mugalu na Charles Ilamfia ambao wote wanafunga.
"Tunaelekea kwenye michuano ya kimataifa hivyo kwa kasi ya washambuliaji wetu nadhani itakuwa ni faida kubwa kwa timu," amesema Kocha, Sven.
ADVERTISE HERE
