Kocha Mkuu wa Simba Sven Vandenbroeck ameendelea kuwapa raha mashabiki kwa timu yake kucheza kandanda la kuvutia huku ikirejesha utamaduni wa kufunga mabao mengi
Wiki chache nyuma kulikuwa na malalamiko kutoka kwa baadhi ya mashabiki wakimtaka Mbelgiji huyo atumie washambuliaji wawili, lakini aliweka msimamo kuwa atatumia mbinu yoyote ilimradi timu ipate ushindi
Ndicho kinachotokea sasa kwani ameendelea kutumia mshambuliaji mmoja na timu imefunga mabao saba katika mechi mbili zilizopita
Walianza kwa kuwabugiza Biashara United mabao 4-0 na kisha jana kuilaza Gwambina Fc mabao 3-0
Mfumo wake wa 4-2-3-1 umeonyesha kuwa na mafanikio kwani unatoa nafasi kwa timu kumiliki mpira na hivyo kila mchezaji kuwa na nafasi ya kufunga
Mabao ya Simba sasa yanatoka kila upande, kutoka kwa mabeki, viongu na washambuliaji
Nadhani Wanasimba wana kila sababu ya kumuamini kocha huyu, kwani Simba yake imezidi kuimarika na kucheza kandanda bora sana
