Majeruhi kumuweka nje Fraga wiki tatu

Uongozi wa klabu ya Simba umethibitisha kuwa kiungo wake raia wa Brazil Gerson Santos Fraga atakuwa nje kwa wiki tatu kutokana na majeraha aliyopata kwenye mchezo wa ligi kuu dhidi ya Biashara United

Taarifa iliyotolewa na Simba imebainisha kuwa baada ya kufanyiwa vipimo, imebainika kuwa Fraga alipata majeraha ya kawaida ambayo yatamlazimu kuwa nje kwa wiki tatu

Nyota huyo hatafanyiwa upasuaji wa goti, atapata matibabu ya kawaida kulingana na jeraha alilopata

Mwamba huyo hatakuwa sehemu ya kikosi cha Simba mchezo wa Jumamosi dhidi ya Gwambina Fc pia anaweza kukosa michezo mingine ukiwemo ule wa Yanga utakaopigwa Oktoba 18